(நூருல் ஹுதா உமர்)
அம்பாரை மாவட்ட கல்முனை அஹ்லுஸ்ஸுன்னா வல்ஜமாஅத் உலமா சபைத்தலைவர் மெளலவி பி.எம்.ஏ ஜலீல் (பாகவி) தலைமையில் பாராளுமன்ற உறுப்பினரை சந்தித்த உலமாக்கள் கல்முனை மாநகர எல்லை பிரதேசங்களிலும், அம்பாரை மாவட்ட முஸ்லிம் பிரதேசங்களிலும் ஹலால் இறைச்சி விற்பனையை உறுதிப்படுத்தல் தொடர்பில் ஆழமாக கலந்துரையாடினர். மேலும் கல்முனை பிராந்தியங்களில் உள்ள அனாச்சார செயல்களை கட்டுப்படுத்தல், இளைஞர்கள் மத்தியில் தலைதூக்கியுள்ள போதைப்பொருளை இல்லாதொழிக்க முன்னெடுக்கவேண்டிய வேலைத்திட்டங்கள் தொடர்பிலும் ஆராய்ந்தனர்.
மேலும், கல்முனை மக்கள் எதிர்நோக்கும் சமூக, சமய, கலாச்சார மற்றும் பொருளாதார பிரச்சினைகள் பற்றியும் எதிர்கால நலத்திட்டங்கள் குறித்தும் விரிவாக கலந்துரையாடப்பட்டது.
இந்நிகழ்வில் அம்பாரை மாவட்ட கல்முனை அஹ்லுஸ்ஸுன்னா வல்ஜமாஅத் உலமா சபையின் உயர்பீட உறுப்பினர்கள் பலரும் கலந்து கொண்டு பாராளுமன்ற உறுப்பினரிடம் மகஜர் ஒன்றும் கையளித்தனர்.
Post A Comment:
0 comments so far,add yours