மரண வீட்டிற்கு சென்ற கார் திரும்பும் வழியில் பள்ளத்தில் வீழ்ந்து விபத்து

 

(அஸ்ஹர் இப்றாஹிம்)

ஹட்டன்- வனராஜா கல்பள்ளி பகுதியில் கார்  பள்ளத்தில் கவிழ்ந்ததில் மூன்றரை வயது குழந்தை உட்பட ஒரே குடும்பத்தைச் சேர்ந்த மூவர் காயமடைந்து டிக்கோயா- கிளங்கன் மாவட்ட வைத்தியசாலையில் அனுமதிக்கப்பட்டுள்ளதாக ஹட்டன் பொலிஸார் தெரிவித்துள்ளனர். 

சாமிமலை பகுதியில் மரண வீடொன்றுக்கு வந்த குடும்பம் கொழும்பு நோக்கி திரும்பிச் செல்லும் போது கார் வீதியை விட்டு விலகி இந்த விபத்து இடம்பெற்றுள்ளது, 

மத்திய மாகாணத்தில் நிலவும் பனி மூட்டம் காரணமாக இந்த விபத்து இடம்பெற்றிருக்கலாம் எனவும் கார் இன்னும் சற்று குடைசாய்ந்திருந்தால் காசல்ரீ நீர்த்தேக்கத்தில்  விழுந்து நிலமை இன்னும் மோசமடைந்திருக்கலாம் எனவும் குடும்பத்தினர் தெய்வாதீனமாக உயிர் தப்பியுள்ளனர் என ஹட்டன் பொலிஸ் நிலைய பொறுப்பதிகாரி தெரிவித்துள்ளார்.