கல்முனையில் போதைப்பொருள் ஒழிப்பு சம்பந்தமான விழிப்புணர்வு நிகழ்வு

 

(அஸ்ஹர்  இப்றாஹிம்)

"டயக்கோனியா" மற்றும் பெண்கள் ஆராய்ச்சி செயல் முன்னணியின் அனுசரணையில் போதை ஒழிப்பு தொடர்பான நிகழ்ச்சிகள்  கல்முனை இஸ்லாமாபாத் முஸ்லிம் மகா வித்தியாலயத்தின் கேட்போர் கூடத்தில்  நடைபெற்றது.

 திட்ட இணைப்பாளரும், இஸ்லாமாபாத் முஸ்லிம் மகா வித்தியாலயத்தின் அதிபருமான . ஏ. ஜி .எம். றிசாத்  தலைமையில் இடம்பெற்ற இந் நிகழ்வில் இளைஞர் யுவதிகள் மத்தியில் எவ்வாறு போதை பாவனை பரவலாக்கப்படுகின்றன அவை எவ்வாறான முறைகளில் விஸ்தரிக்கப்படுகின்றன என்பன தொடர்பான நாடகங்கள், போதையினால் உண்டாகும் தீமைகள் . அதில் நாம் எவ்வாறு பாதிக்கப் படுகின்றோம் என்பதனை எடுத்துக்காட்டும் வில்லுப்பாட்டு மற்றும் இஸ்லாமிய கசீதா , உரையாடல் என பல ஆக்கங்கள் மாணவர்களால்  முன்வைக்கப்பட்டன.

இந் நிகழ்விற்கு அதிதிகளாக கல்முனை கல்வி வலய பிரதிக் கல்விப் பணிப்பாளர் .எம்.எச்.எம். ஜாபிர் , கல்முனை பொலிஸ் நிலையத்தின் பொதுப் பொலிஸ் பரிசோதகர் .டபிள்யூ.வாஹிட் , இலங்கை மனித உரிமைகள் ஆணைக்குழுவின் பிராந்திய இணைப்பாளர்  ஏ.சீ.ஏ.அசிஸ் ஆகியோர்  பிரசன்னமாகியிருந்தனர். 

காரைதீவு விவேகானந்தா மத்திய கல்லூரி, கல்முனை அல் பஹ்றியா  மகா வித்தியாலயம், கல்முனை இராம கிருஷ்ணமிசன் மகா வித்தியாலயம் ,  நற்பிட்டிமுனை அல் அக்ஸா மத்திய மகாவித்தியாலயம், மருதமுனை அல்மனார் மத்திய கல்லூரி மற்றும்  கல்முனை இஸ்லாமாபாத் முஸ்லிம் மாகா வித்தியாலயம் ஆகிய ஏழு பாடசாலைகள் இதில் கலந்துகொண்டு ஆக்கங்களை வெளிப்படுத்தியமை குறிப்பிடத்தக்கதாகும்.