(கனகராஜா சரவணன்)



திருகோணமலை கப்பல் துறை சந்திக்கு அருகில்  பிரயாணித்த முச்சக்கர வண்டி ஒன்றினை குறிவைத்து அதன் மீது இனம் தெரியாதவர்கள்   நடாத்திய துப்பாக்கி சூடு; சம்பவத்தில் சம்பவ இடத்தில் ஒருவர் உயிரிழந்துள்ளதுடன் இருவர் படுகாயமடைந்த நிலையில் திருகோணமலை பொது வைத்தியசாலையில் அனுமதிக்கப்பட்டுள்ள சம்பவம் இன்று திங்கட்கிழமை (02) இரவு 9.15 மணிக்கு இடம்பெற்றுள்ளதாக  கப்பல் துறை   பொலிசார் தெரிவித்தனர்.

திருகோணமலை பேக்கரிய வீதி, பெதிஸ்புரவைச் சேர்ந்த 39 வயதுடைய சிறி நாராயண ரத்ன விபூஷண குலதுங்க ஆராச்சிகே கயன் மதுசங்க சோமரத்ன என்பவரே சம்பவ இடத்தில் பரிதாபகரமாக உயிரிழந்துள்ளார்.

குறித்த பகுதியில் சம்பவ தினமான இரவு 9.15 மணியளவில்  பச்சை நிற முச்சக்கர வண்டியில் மூன்று பேர் பிரயாணித்த போது அவர்கள் மீது இனம் தெரியாதவர்கள் நடத்திய துப்பாக்கி சூட்டில் சம்பவ இடத்தில் மதுசங்க சோமரத்ன என்பவர் உயிரிழந்தார்.

இதில் 36 வயதுடைய திருகோணமலை ஆண்டங்குளம், பகுதியைச் சேர்ந்த  சரித் அசங்க மற்றும் அபயபுர லெனின் மாவத்தையைச் சேர்ந்த 28 வயதுடைய  ஃபிரடெரிக் தர்ஷா டெவெண்டா (டாரல்) என்ற இருவரும் படுகாயமடைந்த நிலையில்  திருகோணமலை பொது வைத்தியசாலை அதிதீவிர சிகிச்சைப் பிரிவில் அனுமதிக்கப்பட்டுள்ளதாக பொலிசார் தெரிவித்தனர்

இச் சம்பவம் தொடர்பாக  கப்பல் துறை    பொலிசார் மேலதிக விசாரணைகளை மேற்கொண்டு வருகின்றனர்
Share To:

Battirep News

Post A Comment:

0 comments so far,add yours