திருக்கோவில் பிரதேச கலைஞர்களுக்கு உதவித் தொகை வழங்கி வைப்பு.

 (திருக்கோவில்  நிருபர்-எஸ்.கார்த்திகேசு)

அம்பாரை திருக்கோவில் பிரதேசத்தில் உள்ள பல்துறைசார்ந்த உதவி அவசியமான கலைஞர்களுக்கான உதவித் தொகை காசோலைகள் கலாசார அலுவல்கள் திணைக்களத்தின் ஊடாக திருக்கோவில் பிரதேச செயலகத்தினால் வழங்கி வைக்கப்பட்டுள்ளன.

இவ் உதவிக் தொகைக்கான காசோலைகள் வழங்கும் நிகழ்வு கொவிட் 19 சுகாதார விதிமுறைகளுக்கு அமைவாக கலாசார அலுவல்கள் திணைக்களத்தின் அபிவிருத்தி உத்தியோகத்தர் திருமதி நிறோஜினி தவநீதனின் ஏற்பாட்டில்  (08) திருக்கோவில் பிரதேச செயலாளர் ரீ.கஜேந்திரனினால் வழங்கி வைக்கப்பட்டுள்ளன.

இவ் உதவித் தொகைக்கான காசோலைகளானது திருக்கோவில் பிரதேசத்தில் தெரிவு செய்யப்பட்ட பல்துறைசார்ந்த ஆறு கலைஞர்களுக்கு தலா 10ஆயிரம் ரூபா பெறுமதியான காசோலைகள் வழங்கி வைக்கப்பட்டுள்ளன.

இந்நிகழ்வில் திருக்கோவில் பிரதேச செயலாளர் ரீ.கஜேந்திரன் சிரேஷ்ட கிராம சேவை உத்தியோகத்தர் கண.இராஜரெத்தினம் பிரதேச செயலக கலாசார அலுவல்கள் திணைக்களத்தின் அபிவிருத்தி உத்தியோகத்தர் திருமதி நிறோஜினி தவநீதன் மற்றும் கலைஞர்கள் அகியோரும் கலந்து கொண்டு இருந்தனர்.