(எஸ்.எஸ்.அமிர்தகழியான்) மட்டக்களப்பு
1983 காலப்பகுதியில் இருந்து குறித்த புகையிரத குறுக்கு வீதியானது விஸ்த்தரிக்கப்படுவதற்கான முயற்சிகள் மேற்கொள்ளப்பட்டு வந்த நிலையில் மட்டக்களப்பு மாநகரசபையினால் குறித்த வீதியானது விஸ்த்தரிக்கப்பட்டு இன்று காபட் இடும் பணிகள் பூரணப்படுத்தப்பட்டுள்ளன.
குறித்த ரயில்வே குறுக்கு வீதியினது விஸ்த்தரிப்பு மற்றும் நிர்மாணப் பணிகளுக்கான அபிவிருத்திக்காக குறித்த காணியானது ரயில்வே திணைக்களம் மற்றும் வீதி அபிவிருத்தி அதிகாரசபை ஆகியவற்றிடம் இருந்து பெறப்பட்டுள்ளது.
மட்டக்களப்பு நகரப்பகுதியில் ஏற்படும் போக்குவரத்து நெரிசலினை குறைக்கும் நோக்கோடு குறித்த வீதியானது விஸ்த்தரிக்கப்பட்டு இன்று வேலைகள் நிறைவு செய்யப்பட்டுள்ளது.
மேலும் வீதிக்கான மின் குழிழ்கள் மற்றும் மிகுதி அழகுபடுத்தும் வேலைகள் விரைவில் நிறைவு செய்யப்பட்டு மக்களின் பூரண பாவனைக்காக கையளிக்கப்படும் என மாநகர சபை முதல்வர் தியாகராஜா சரவணபவன் தெரிவித்துள்ளார்.
Post A Comment:
0 comments so far,add yours