ஜனாதிபதியுடன் நடத்திய பேச்சுவார்த்தையை அடுத்து பாடசாலை அபிவிருத்தி உத்தியோகத்தர்களின் உண்ணாவிரம் முடிவு!

ஜனாதிபதியுடன் நடத்திய பேச்சுவார்த்தையை அடுத்து பாடசாலை அபிவிருத்தி உத்தியோகத்தர்கள் உண்ணாவிரதத்தை கைவிட்டனர். பாடசாலை அபிவிருத்தி உத்தியோகத்தர்கள் ஒன்பது நாட்களாக முன்னெடுத்து வந்த உண்ணாவிரதப் போராட்டத்தை, ஜனாதிபதி அநுர குமார திஸாநாயக்கவுடன் இன்று(03) நடத்திய திருப்திகரமான பேச்சுவார்த்தையை அடுத்து தற்காலிகமாக கைவிட்டுள்ளனர். ஆரம்பத்தில் ஒரு சத்தியாக்கிரகப் போராட்டமாக ஆரம்பிக்கப்பட்ட இந்த எதிர்ப்பு நடவடிக்கை, பின்னர் தங்களை உடனடியாக நிரந்தர ஆசிரியர் சேவையில் உள்வாங்குமாறு வலியுறுத்தி "சாகும்வரை உண்ணாவிரதப் போராட்டமாக" தீவிரமடைந்தது. தாங்கள் ஏற்கனவே பாடசாலைகளில் கற்பித்தல் பணிகளை மேற்கொண்டு வருவதால், மேலதிக தாமதமின்றி தங்களை ஆசிரியர் சேவையில் முறைப்படி இணைத்துக் கொள்ள வேண்டும் என்று போராட்டத்தில் ஈடுபட்ட உத்தியோகத்தர்கள் வாதிட்டனர். ஜனாதிபதியுடன் இடம்பெற்ற கலந்துரையாடலைத் தொடர்ந்து, வழங்கப்பட்ட உறுதிமொழிகள் மற்றும் எடுக்கப்படவுள்ள நடவடிக்கைகள் நிலுவையில் உள்ள நிலையில், உண்ணாவிரதப் போராட்டத்தை தற்காலிகமாக நிறுத்திக்கொள்ள அவர்கள் சம்மதித்துள்ளனர்.