(கனகராஜா சரவணன்)

 
மட்டக்களப்பு  பிரதேசம் ஒன்றில் 16 வயது சிறுமி ஒருவரை பாலியல் துஷ்பிரயோகம் செய்த அந்த பகுதியைச் சேர்ந்த 52 வயதுடைய கிருஷ்ணபிள்ளை உதயராசா அல்லது உதயன் 21 வருட கடூழிய சிறை தண்டனையும் 20 ஆயிரம் அபராதமும் செலுத்துமாறும் பாதிக்கப்பட்ட ஒரு இலட்சம் ரூபா நஷ்டஈடு வழங்குமாறு மட்டக்களப்பு மேல் நீதிமன்ற நீதிபதி ரி.ஜே. பிரபாகரன் இன்று வெள்ளிக்கிழமை (30) தீர்ப்பளித்தார்.;

குறித்த பிரதேசம் ஒன்றில் கடந்த 2019 ஆகஸ்ட் 23 ம்திகதி  சட்டரீதியான பாதுகாப்பில் இருந்த சிறுமியை கவர்ந்து கொண்டு சென்று பாலியல் துஷ்பிரயோகம் மேற்கொண்ட குற்றச்சாட்டில் பொலிசார் கைது செய்து நீதவான் நீதிமன்றில் ஆஜர்படுத்தப்பட்டு விசாரணைக்கு பின்னர் 2023ம் ஆண்டு மேல்  நீதிமன்றுக்கு மாற்றப்பட்டு குறித்த வழக்கு விசாரணை தொடர்ந்து இடம்பெற்று வந்தது.

இந்த  நிலையில் வழக்கு தொடுநர் சார்பில்; அரச சட்டவாதிகளான எஸ். அனுஷாங்கன் மற்றும் ரி..தர்சிகா ஆகியோர் ஆஜராகி வாதாடி வந்த  நிலையில் குறித்த நபர் குற்றவாளியாக கடந்த 23ம் திகதி வெள்ளிக்கிழமை  நீதிமன்றில் இனங்காணப்பட்டு தண்டனை தீர்ப்பு   அறிவிக்கப்பட்டது

இந்த நிலையில் குறித்த நபரின் முதலாவது குற்றமான சட்டரீதியான பாதுகாப்பில் இருந்த சிறுமியை கவர்ந்து கொண்டு சென்ற தண்டனைச்சட்டக் கோவை 354 கீழ்  ஒரு வருட கடூழிய சிறைத் தண்டனையும் 10 ஆயிரம் ரூபா அபராதமாக செலுத்துமாறும்.

 
இரண்டாவது குற்றமான பாலியல் ரீதியான  துன்புறுத்தல் தண்டனை சட்டக்கோவை 345 கீழ் விடுவித்ததோடு மூன்றாவது குற்றமான கற்பழிப்பு செய்த குற்றச்சாட்டில் தண்டனை சட்டக்கோவை 364 கீழ்  20 வருட கடூழிய சிறைத் தண்டனையும் 10 ஆயிரம் தண்டப்பணம் செலுத்துமாறும் பாதிக்கப்பட்ட சிறுமிக்கு நஷ்ட ஈடாக ஒரு இலட்சம் ரூபாவை செலுத்துமாறும் அதை செலுத்த தவறினால்  2 வருடம் சாதாரண சிறைத்தண்டனையும் இந்த இரு குற்றத்திற்கான கடூழிய சிறைத் தண்டனையை ஒன்றின் பின் ஒன்றாக 21 வருடம் செயல்படுத்துமாறு மட்டக்களப்பு மேல் நீதிமன்ற நீதிபதி ரி.ஜே. பிரபாகரன் இன்று 30 வெள்ளிக்கிழமை  தீர்ப்பளித்தார்.  
Share To:

Battirep News

Post A Comment:

0 comments so far,add yours